動畫 MEGALO BOX 推薦力度：普通動漫迷25/100                     為致敬矢吹丈60/100                     矢吹丈Fans 100/100 睇封面好正好型，原來係為紀念矢吹丈作品，一套機械臂既拳擊作品，哇！正喎個設定！！睇！！！一開始到第五話都無乜野，劇情走勢唔錯，主角去打大賽，竟然唔著機械甲，叫"Gearless Joe"！果一刻我成個人震晒，真心覺得好型好感動。點知…之後場場都唔著甲打，打到第四場，對住個排名17既前師兄，都係唔著…但照贏@@，唔通…機械臂係一件用黎增加重量既裝飾品，唔著其實更加利害！？ 其間對打場面，勁多情感交待，原本背景好強既教練，頓時變白癡不單止，不斷講講講講，我唔要求打鬥場面，好似一拳超人咁對彩，但交待時間太長，絕對影響一套熱血作品既節奏。好多好作品，就咁比d編劇害死… 最後進入4強緊張時刻，有個排名第1紅甲靚仔出黎，要挑機同主角打，如果打贏就當然入決賽啦，呢個時候，主角咁出名，無錢無奇遇，都有贊助啦掛，點都應該有件甲去打決賽啦。我靈機一觸，即刻開後幾話動畫，快進，發現當對戰紅甲時，主角仍然係無甲，我零秒退出播放，將整套動畫刪除…… 完

Foreo Luna 2 For Men 使用時間：18日 推薦力度：100/100 話說幾年前已經有朋友介紹我用Foreo洗面機，因爲我皮膚差大家都知，好在我本身魅力非凡，唔系真系連朋友都無，但當時$1xxx買部機洗面，傻的嗎！我又唔系無手洗面!! 幾年後皮膚變得更差時，巧合之下新同事又大力推薦下，終於都系入坑。2018年5月中開始搜尋相關資料，目標放在Luna 2 for Men 或 Mini。其他Foreo“肉丸”大小系列洗面機就唔考慮了。 因爲堂堂男子漢(理所當然！)，所以買男人專用型號，當時Luna 2 for Men HKtvmall 賣緊$1599，PriceHK 無貨，Foreo官網賣$1790。最終在官網購買。點解？唔係我傻仔，而係因為官網購買時，會有一欄位輸入折扣碼，然後試試網上搵，竟然有8折碼，最終付款$1446.32！！請叫我精打細算師！ 不過其中一個失望地方，官網購買，竟然在蘇州運過來香港，@%!@%##$#$!用了足足一個星期才收到貨，實在超不爽！！而且順豐送上門，又要另外收錢，好彩我打電話上去，改去樓下門市拎先唔洗比多$30。 進入正題吧，試用到今日為止一共18日，其實試用三四日後，已經明顯毛孔細左，皮膚滑左乾淨左，我有生暗瘡，但照用無理，而且黑頭比以前更容易"即"出黎，所以我覺得呢部機係值得買，因為原來有對手都唔會洗得比佢乾淨！ PS 官網購買時，發現一部特別版洗面機，十分貴！可以估下幾貴，然後睇下面答案，哈哈 https://www.foreo.com/zh-hant/luna-luxe